Russia helicopter pakhat Mil Mi-8 cu a zaunnak in a tumnak hmun a phak hlan ah Svalbard Arctic archipelago Rili ah a thla I Norway lei zong nih an kawlpi hna nain a tutiang an hmu kho rihlo. Russia helicopter cu, Norway michanh chuahtu phu pawl nih nili ni a tlau ni, Oct. 26 ah an theih bakah an kawl cawlh ve nain atutiang cu hmuh a si rihlo. Helicopter chung I a ummi hna hi minung pa 8 an dihlak in an si tiah an chim. zeiruangah dah a tlau, siloah Rili chungah a tlak khawh ning a si, a mongtu daithlan maw si, siloah a sehh lei tlamtlin lonak ruangah dah a si timi theih fiannak a um rihlo.
Norway lei nih cun helicopters pahnih le tilawng fami pawl tam ngai he a tlaknak Rili ah cun an kawl cuahmah lio a si tiah Tore Hongset phu hruaitu pakhat nih Reuters thawngla sin ah a chim. An kawl lio ah hin, Vur le thlitu I cawh in a hrang tuk I zaan a hung si tikah kan I harh ngai ko tiah an ti. Helicopter cung I a ummi hna hi a zohkhenhtu le mongtu pa 5 le a dang minung pathum an si hna tiah Russia emergency ministry lih nih an chim.
Ref: Reuters
