Sualpuhnak 12 an langhter. Mah sualpuhnak 12 telh in Pu Chan Fiang rian phuah ding cu Chinram NLD cozah cabinet zong nih an hnatlakpi tiah Pu Chan Fiang nih a chim.
Sual puhnak:
1. Pu Chan Fiang hi 8:30 ah tuah tawnmi meeting a kai lo caan a tampi, nawlpeknak(leave) a lak hmasa bal lo.
2. Hakha ti peknak nawlngeitu phu he rian felfai tein a tuanti lo.
3. Amah kuttang ah a um lomi Thantlang peng ah nawlpeknak hal hmasa loin a kal.
4. Penguk pakhat a si ko nain amah pumpak a biakmi biaknak lawng a tanpi, midang biaknak a tanpi lo.
5. Minung pakhat caah vawlei hmun kau taktak a sawk.
6. Kawl titoih puai ah Pu Chan Fiang a phu an i tel lo.
7. Chin National Day ah bawi pawl pawngkam ah a um lo, a hmun zong ah a rak ra lo.
8. International Women’s Day ah Chief Minister a ra lai timi a theih ko nain Pu Chan Fiang a ra lo.
9. Penguk pakhat a si ko nain upadi lei tuanvo laknak ah a thazaang a der ngai.
10. A zung riantuannak ah a hma kal kho lo.
11. Hakha khua chung ah democracy kong ceihmainak tuah an timhmi kham ding nawlpek a si nain a kham hna lo.
12. Cozah nih auhmi meeting le puai tibantuk ah ai tel lo caan a tam.
Note: Pu Chan Fiang hi nai Kawl titoih puai ah ka zung riantuantu hramhram in laam ding ka fial kho hna lo a ti ruang ah cozah zung nih an rem lo ngaimi a si.
http://www.salailungthlitum.uk/chin/chinram-ga-zung-nih-hakha-penguk-pu-chan-fiang-rian-phuah-an-timh-sualpuhnak-12-an-langhter/
