Colombian ramah khualtlawng Bus cu namte he rok a timtu pa 2 pa hna cu,cuka mipi hna nih dantatnak caah an taklawng fangro in khuachungah lam an kalter hna tiah The Sun nih alanghter,Mah thilcannak hi Antioguia state Itagui khuapi ah si tiah an langhter hi si.
Mah khualtawng Bus a roktu pahnih hna nih an thiltimhmi cu an halwhtling lo an ti,kualtlawng pawl hna cu,nan thilkenmi kan pe uh tiah an ti miah khualtlawng pawl nih an an pe duh hna lo.Misual pa 2 hna cu Bus chungin an ttum lio ah nu pakhat nih bawmhnak hal in a au hnuah cuka mipi hna chuak in Taxi in zam aa timmi pa hnih hna cu an tlaih hna hnuah an velh hna tiah an langhter.
Cuka mipi hna thinhun celh lo cun misual hna thilpuan phoihter in zalampi ah lam an kalter hna hi si.Chikhat lamkal te men silo in cuka khua cu an helter hna hi si tiah an langhter chap,vanchiat lei vantthat an tong i palik an rak phanh hlanah lodiam an tlizam manh tiah theih a si.
