Mintami Myat Kye Thi Aung cu kan hnu lei online cungah a chuakmi a hmanthlak kong he pehtlai in facebook tiang hmang zuam ti loin a lung rawk ngai ngai. “Online Media ah cun a caan caan i kan vun kau tikah tlangtar le an tialmi a dan cu kan hmuh tawn ko, zei caah tiah cu thil cu kei mah hrim hrim nih ka ton ve cang.
A biana ah Patricia kong a si ah cun ‘Patracia cu a Ni nih a soisel’ tibantuk hna a vun chuah tik ah zei ko dah ka chim hnga aw? Mei kong ceih a zuam mi zong ka si fawn lo i a ceih zong ka ceih bal fawn lo”. “ A ngai ngai ti ah cun Patricia he Ni le Ta kan sinak hi biasakup chung kan hawi le cheukhat hmanh a thei lomi an tam pi, ca tlang tar pi he a vun chuah tik ah Patricia he zei bantuk buainak dah nan ngeih tiah phone chawn in an rak ka hal hnu lawngah cu kong cu thi dengin ka vun kau chom ve.
Tha tein ka rel hnu lawngah mah ti hin maw a rak si ko, hi kong hna hi cu hi tluk kau tiangin tial awk zong a tlak lomi khi si.” “Ka facebook timeline cungah hin midang kong cu si loin kei mah nih ka hmuh ka tonmi thil te te he pehtlai in caan caaan ah cun ka ttial tawn, mah cu cu mi cheukhat hna nih zoh chia tak tak in a rak comment tu hna an rak um ruangah comment box tiangin ka phih dihnak si, an chimmi le comment an pekmi pakhat te ruangah ihkhun cung tiang hmanh a phan balmi ka si caah facebook cungah mi zeipoh friend si singin kam add khawh hna lomi cungah rak ka thei thiam hram ko uh.”
Mi zeipoh nih hin kan mah le kan sining tein tuanbia kan ngeih dih caah mi mi pakhat kong kau ah tha tein kan theih set set lo ah cun bia chim tuk ding si lo tiah ka ruah. A tu ah cun facebook hmanh hmang zuam ti lo tiangin ka lung rawk cang” tiah Myanmar Celebrity nih interview an tuahnak ah a chim.
