Chin Idol tawlreltu CACC nih online in vote pek ding zapi an sawm hlei ah tuzarh Ningani in Zarhpini tiang Chin Idol caan hmannak ding vialte zong an tar dih cang fawn.
Chin Idol zuamnak ah Pakhatnak in Pathumnak tiang laksawng leng ah zapi nih thim mi (People Choice Award) zong Laksawng pek a si lai. 2017 Tho 27 zaan ah aa zum mi minung 10 (Top 10) chung in zapi nih thim mi cu laksawng pek a si lai. 2017 Tho 27 zaan hla an sak dih bak in Mark pek khawh a si lai i a thaizing zaanlei tiang pek khawh a si lai. Chin Idol zuamnak ah SMS le Facebook poll in zapi nih Mark pek cio ding in kan in sawm hna.
