Australia Senator Dean Smith cu Hakha a phan, hruaitu upa hna he tonbiaruahnak an ngei tiah theih a si. Dean smith nih a mah pumpak Facebook page ah hitihin a tial, Hakha mtualcung Cafe dawr in thaithawh rawl ei in ka thok, cu hnu ah Hakha khua hruaitu pawl he ceihhmainak metting kan ngei hna, kokek rawhnak ruang ah chungkhar 1000 hmunthar zamhnak kong, ngandamnak le fimthiam cawnnak le Community youth centre aherh nak hna kan ceih tiah a tial.
A bik in a luancia mi kum 10 chung ah Chin ralzam Ausralia ram chung luhter kan pek mi hna cung ah Australia mipi cung lunglawmhnak zong chim ding in hi hnu hmailei zong Australia nih chin ralzam a lak mi hi pehzulh rih ding in hruaitu upa nih an nawlnak kong zong kha a tial.
Cun Chief Minister of Chin Sate he zog suimilam 2 chung ton biaruahnak an ngei i Democracy lamthluan kong le ram daihnak kong le , mei le ti le lam kongkau ah ceihhmai nak zonng an ngei. Cun tualcung pastor 14 he zong tonbiaruahnak an ngei hna tiah theih asi. cu ahcun Australia ram ngeihkhat thitumnak kongkau zong biahalnak an tuah tiah theih asi.
